Вікісховішча:Структураваныя зьвесткі

Shortcut: COM:SDC

Structured Commons

About

Get involved

GLAM and culture

SPARQL

Modeling

Discussion

Пра структураваныя зьвесткі ў Вікісховішчы

Структураваныя зьвесткі ў Вікісховішчы — шматмоўныя зьвесткі пра мэдыяфайл, якія могуць разумець людзі, і з дастатковай пасьлядоўнасьцю, каб іх маглі таксама аднастайна апрацаваць машыны.

Кароткія ўводзіны пачатковага ўзроўню ў Структураваныя зьвесткі ў Вікісховішчы (3 хвіліны 43 сэкунды)

Асновы

Старонка кожнага мэдыяфайла ў Вікісховішчы мае ўкладкі «Інфармацыя пра файл» і «Структураваныя зьвесткі».

Мы глядзім на просты прыклад абранай выявы ў Вікісховішчы: Würfelzucker (2018).

Дадайце шматмоўныя подпісы да файлаў

Пад укладкай Інфармацыя пра файл можаце дадаць подпісы пра файл на шматлікіх мовах: кароткія, прадметныя апісаньні файла, без гіпэрспасылак або вікітэксту. Гэтыя подпісы пра файл спрашчаюць знаходжаньне файла пры пошуку.

Што выяўлена (паказана) ў файле?

Пад укладкай Структураваныя зьвесткі можаце пазначыць, што адлюстроўваюць («апісваюць») у файле. У гэтым выпадку: 12 кубікаў белага цукру. Здымак экрану ніжэй анімаваны і паказвае, што апісальныя складнікі — шматмоўныя. Можаце пабачыць структураваныя зьвесткі на іншай мове, пераключыўшы вашыя моўныя налады інтэрфэйсу.
Дадатковыя зьвесткі: глядзіце Вікісховішча:Адлюстроўвае.

Іншыя заявы пра файл

Таксама пад укладкай Структураваныя зьвесткі можаце дадаць іншыя апісальныя зьвесткі пра файл. Гэты прыклад апісвае дазвол, стваральніка і ацэнку якасьці файла.
Дадатковыя зьвесткі: глядзіце Вікісховішча:Заявы.

Што структураваныя зьвесткі ў Вікісховішчы робяць

Структураваныя зьвесткі ў Вікісховішчы паляпшаюць доступ, пошук, раскрыцьцё і забясьпечваюць новыя спосабы карыстаньня зьместам.

Паляпшэньне даступнасьці

• Шматмоўнасьць: забясьпечваюць цэтлікі на больш як 300 мовах, якія дадаюць саматужна.
• Даступнасьць: забясьпечваюць зьвесткі, якія робяць зьмест больш даступным для ўдзельнікаў з асаблівымі патрэбамі, напрыклад, для сьляпых і слабавідушчых.

Новыя шляхі знайсьці зьмест

• Шукальнасьць: дазваляюць людзям лёгка знайсьці зьмест празь лепшыя апісаньні таго, што яны апісваюць.

Новыя шляхі адкрыць і скарыстаць зьмест

• Злучаюць веды з розных крыніцаў: дапускаюць зьмест са шматлікіх крыніцаў разам, каб забясьпечыць новыя шляхі адкрываць і абмалёўваць прадмет.
• Адкрываюць зборы і прадметы: супастаўляюць зьмест, каб забясьпечыць новыя шляхі адкрыцьця збораў і прадметаў.
• Прыдатныя для выкарыстаньня іншымі вэб-бачынамі і службамі: Структураваныя зьвесткі ў Вікісховішчы — вольныя і машыначытальныя, а значыць, гатовыя да выкарыстаньня ў дастасунках і іншым зьмесьце.

Паляпшэньне якасьці зьвестак

• Дадзеныя са спасылкамі: дадзеныя могуць адсылаць да іх крыніцаў, што дазваляе вам бачыць спачатнага стваральніка зьвестак, пацьверджанага трэцімі бакамі.
• Запытаздатныя: дапускаюць запыты, каб спраўдзіць якасьць дадзеных сярод тысячаў файлаў адразу, што дазваляе людзям больш лёгка распазнаваць і выпраўляць адсутныя, састарэлыя або няслушныя зьвесткі.

Некалькі лёгкіх шляхоў пачаць

• Загрузіце новы файл пад вольным дазволам у Вікісховішча. Вам падкажуць дадаць шматмоўныя подпісы да файла (старонка дапамогі) і апісаць заявы (старонка дапамогі).
• Дадайце структураваныя зьвесткі ў некаторыя высакаякасныя выявы, падтрыманыя аддзяленьнем «Вікімэдыі», праз прыладу «Іса». (Вам варта ўвайсьці праз уліковы запіс «Вікімэдыі» тут.)

Зьвяжыцеся

• Скарыстайце старонку гутарак Структурных зьвестак у Вікісховішчы, каб задаць пытаньні.
• Данясіце пра памылкі і разьмясьціце запыты магчымасьцяў у Фабрыкатары (Дапамога).

Як можаце дапамагчы

• Дапамажыце напісаць дакумэнтацыю пра Структураваныя зьвесткі ў Вікісховішчы.
• Абмяркуйце і вырашыце, як файлы варта апісваць, на Вікісховішча:Структураваныя зьвесткі/Мадэляваньне.

Прылады, каб дадаць структураваныя зьвесткі ў файлы

«Іса» — прылада, каб дапамагчы пачаткоўцам дадаваць заявы «адлюстроўвае» (depicts) і шматмоўныя подпісы да файлаў. Прачытайце больш.

«ДВАЦ» («Дадайце ў Вікісховішча апісальныя цьверджаньні») — дастасунак Вікісховішча, каб дапамагчы з рэдагаваньнем валам. Дазваляе дадаваць заявы ў шэраг файлаў (напрыклад, у катэгорыю). Прачытайце больш.

«СЗВ» — сцэнар удзельніка, падобны да Кат-шмата, які дазваляе дадаваць абмежаваны лік заяваў у структураваныя зьвесткі файлаў у катэгорыі. Прачытайце больш.

«Апісальнік» дазваляе вам дадаваць заявы «адлюстроўвае» з дапамогай гульнепадобнага інтэрфэйсу. Можаце адладзіць яго, скарыстаўшы канкрэтныя катэгорыі або запыты на Мове структураванага пратаколу і запыту рэсурсу (МСПЗР, анг. SPARQL).

«Выяваанатавальнік» — прылада, якая вядзе кампаніі анатаваньня выяваў у Вікісховішчы.

«АдкрытаЎдакладніць» — магутная і гнуткая прылада, каб дадаваць структурныя зьвесткі ў файлы Вікісховішча валам (з выданьня 3.6).

Зьвесткі для распрацоўнікаў

Распрацоўку Структураваных зьвестак у Вікісховішчы адсочваюць на Фабрыкатары.

Структураваныя зьвесткі ў Вікісховішчы сілкуе апраграмаваньне Вікібаза. Да дадзеных магчыма атрымаць доступ праз інтэрфэйс праграмаваньня дастасунка (АПД). Глядзіце :mw:Вікібаза/АПД наконт дакумэнтацыі.

Пашырэньне, якім карыстаюцца для структураваных зьвестак, — ВікібазаМэдыяІнфо.

Частыя пытаньні

Якога кшталту структураваныя зьвесткі мне варта дадаць? Як мне варта апісваць пэўны файл у структураваных зьвестках?

• Глядзіце Вікісховішча:Адлюстроўвае дзеля найлепшых практык наконт заяваў «Адлюстроўвае».
• Калі ласка, зірніце на старонку Мадэляваньне для натхненьня і прыкладаў іншых заяваў. Вольна задавайце пытаньні там і рабіце ўнёсак у дакумэнтацыю самі. Узор дадзеных Структурных зьвестак у Вікісховішчы — незавершаная праца і прызначаецца для супольнасьці Вікісховішча.

Як я магу знайсьці файлы, якія ўжо маюць структураваныя зьвесткі?

Можаце скарыстаць пошук у Вікісховішчы, каб знайсьці файлы са структураванымі зьвесткамі. Некалькі прыкладаў:

• Усе файлы, якія апісваюць труса (Q9394)
• Усе файлы з подпісамі па-беларуску клясычным правапісам
• Усе файлы са словам «брокалі» ў подпісе да файла
• Усе файлы, якія маюць заяву ў структураваных зьвестках пра дазвол «Творчых грамадаў» з пазначэньнем аўтарства на аднолькавых умовах («ТГ» ПА-АУ) 4.0
• Усе файлы, якія ня маюць заявы «Адлюстроўвае»

Як я магу дадаць структураваныя зьвесткі ў мноства файлаў адразу?

Можаце скарыстаць згаданыя на гэтай старонцы прылады; глядзіце вышэй.

Іншыя пытаньні?

Зірніце на старонку Частыя пытаньні.