Commons:Wiki Jerdi Súyedi 2024 Ózbekstan/Qaǵıydalar

«Wiki Jerdi súyedi Ózbekstan 2024» tańlawına xosh keldińiz!

Bas bet

Qaǵıydalar

Qatnasıw

Júklengen súwretler

Statistika

Nátiyjeler

Xalıqaralıq basqısh

«Wiki Jerdi súyedi Ózbekstan 2024» tańlawına xosh keldińiz!

Bas bet	Qaǵıydalar	Qatnasıw
Júklengen súwretler	Nátiyjeler	Xalıqaralıq sheńber

See also: Xalıqaralıq tańlaw qaǵıydaları.

Qatnasıwshılar

• Tańlawda hárkim óz qálewi menen qatnasıwı múmkin.
• Qatnasıw ushın siz Wikiqoymaǵa jergilikli paydalanıwshı retinde yamasa global Wikimedia akkauntıńız arqalı kiriwińiz lazım. Akkaunttı qalay jaratıwdı Wikimedia Commonsta usı silteme arqalı úyreniwińiz múmkin.
• Qatnasıwshı óziniń profil sazlamalarında tastıyqlanǵan elektron pochta mánziline iye bolıwı kerek. Kontaktleri (elektron pochta mánzili yamasa paydalanıwshı betindegi kontakt maǵlıwmatları) bolmaǵan qatnasıwshılar, hátte tóreshiler quramı súwretlerin jeterli dárejede jaqsı dep tapsa da, sıylıqlardı qolǵa kirite almaydı yamasa xalıqaralıq basqıshqa shıǵa almaydı. Eger siz elektron pochtańızdı tuwrı aktivlestirgen bolsańız, betińizdiń shep tárepindegi panelde „Paydalanıwshıǵa xat jazıw“ degen silteme payda boladı. Atap ótiw zárúr, elektron pochta mánzilińiz hesh jerde daǵaza etilmeydi hám elektron pochta mánzilińizdi jiberiwshige kórsetpesten Wikimedia pochta forması arqalı sizge jiberiledi.
• Bárlıq qatnasıwshılar ózleri túsirgen fotosúwretlerdi biypul licenziya astında, máselen, Creative Commons Attribution-ShareAlike 4.0 yamasa Wikimedia Commons (Wikiqoyma) tárepinen ruxsat etilgen basqa hárqanday licenziya astında baspadan shıǵarıwǵa razı dep esaplanadı.

Súwretler

• Fotosúwretler qálegen waqıtta alınıwı múmkin, biraq olar Wikiqoymaǵa 15-may 00:00 den 15-iyun 23:59 (UTC+5) ǵa shekem júkleniwi lazım.
• Bir adam qálegen muǵdardaǵı fotosúwretlerdi júklewi múmkin, biraq bárlıq fotosúwretler sol insannıń ózi tárepinen súwretke alınǵan bolıwı kerek. Ózińiz túsirmegen fotosúwretlerińizdi hátteki avtorlıq huqıqınan erkin bolsańız da, yamasa avtordıń nızamlı wákili bolsańız da júklemeń.
• Súwretler fayl betinde licenziya úlgisine iye bolıwı kerek (eger júklewshi júklewdiń birinshi basqıshında licenziyalardan birin tańlaǵan bolsa, bul ádette avtomatikalıq túrde qosıladı). Fayl betinde licenziya úlgileri bolmaǵan fotosúwretler qabıl etilmeydi.
• Tańlaw ushın júklengen súwretler ámeldegi dizimdegi Ózbekstan tábiyat esteliklerinen birine silteme bolıwı kerek; bul dizim 4 tilde usınıs etilgen: ózbekshe, qaraqalpaqsha, russha hám inglisshe. Qaǵıydalardıń bul bántine muwapıqlıǵın kórsetiw ushın tiyisli obiekt kartasındaǵı „Júklew“ túymesi arqalı fotosúwretlerdi júklew usınıs etiledi.
• Súwret teması tábiyat penen baylanıslı bolıwı kerek, mısalı, landshaftlar, ósimlikler, haywanlar hám basqalar. Adamlar, imaratlar, mashina fotosúwretleri, eger olar tábiyiy landshafttıń bir bólegi bolmasa, kópshilik jaǵdaylarda temadan tısqarı esaplanadı.
• Fotosúwretler koordinatalarǵa iye bolıwı kerek.
• Súwret jaqsı sapalı, kontrast, aq balans hám ekspoziciya sazlamaları tuwrı bolıwı hám ólshemi keminde 2 megapiksel bolıwı lazım. Tómen sapalı (gúńgirt, joqarı kontrastlı, buzılǵan hám taǵı basqa) yamasa tómen anıqlıqtaǵı súwretlerdi júklew múmkin, biraq olar menen jeńimpaz bolıp, xalıqaralıq basqıshqa shıǵıw ilajsız.
• Júklengen fotosúwretler Wikipedia maqalaların súwretlew ushın sáykes keliwi kerek, sol sebepli suwbelgili, súwrettegi sáneler yamasa illyustrativ paydalanıwdı qıyınlastıratuǵın basqa qosımshaları bolǵan fotosúwretlerge ruxsat etilmeydi.

Nátiyjelerdi daǵazalaw

• Tańlaw juwmaqlanǵannan keyin, xalıqaralıq basqısh qaǵıydalarına muwapıq, tóreshiler quramı eki nominaciya (tábiyat kórinisi hám makro) boyınsha 15 danaǵa shekem fotosúwretti tańlap aladı.
• Barlıq fotosúwretler 2 basqıshta bahalanadı: birinshi basqıshta tóreshiler quramı barlıq fotosúwretlerdiń qaǵıydalarǵa muwapıqlıǵın tekseredi, ekinshisinde bolsa sáykes keletuǵınlarınıń sapası, temaǵa sáykesligi hám málim bir tábiyat esteligi temasına sáykesligi boyınsha bahalanadı.
• Tóreshiler quramınıń barlıq qararları juwmaqlawshı esaplanadı hám shaǵım etiliwi múmkin emes. Yadıńızda saqlań, biziń tańlawımız biraz subiektiv bolıwı múmkin hám eger siziń fotosúwretlerińiz jeńip shıqpasa, túskinlikke túspeń! Barlıq joqarı sapalı fotosúwretler Wikipedia hám Wikimedianıń basqa joybarlarında illyustraciyaǵa aylanadı, sol sebepli olardı júzlegen, hátte mıńlaǵan adamlar kóredi. Bul óz-ózinen ájayıp emes pe?
• Sıylıqlar máselesi házirde dodalanbaqta.
• Tóreshiler quramı tárepinen tańlap alınǵan barlıq súwretler xalıqaralıq basqıshta qatnasadı hám olar da jeńimpaz bolıwı múmkin.

Basqa shártler

• Bul qaǵıydalar teksti Ózbekstan Respublikası Puqaralıq Kodeksiniń 367—369-statyalarına kóre ǵalabalıq oferta esaplanbaydı.
• Tańlawda qatnasıw — usı qaǵıydalardıń tolıq qabıl etiliwin ańlatadı.
• Shólkemlestiriwshi topar hadal oyın principin ámelge asırıwı maqsetinde bul qaǵıydalarǵa ózgeris kirgiziwi múmkin.
• Qatnasıwshılardıń tańlawda qatnasıw processinde jumsaǵan barlıq qárejetleri qatnasıwshılardıń ózleri tárepinen qaplanadı.
• Shólkemlestiriwshiler toparı aǵzaları yamasa olarǵa baylanıslı shaxslar tárepinen júklengen fotosúwretler sıylıqqa dawager bola almaydı. Olardıń qatnasıwı tek jaqsı órnek kórsetiw hám basqa qatnasıwshılardı qollap-quwatlaw (master-klass kórsetiw) qálewi dep qaralıwı múmkin.
• Shólkemlestiriwshiler toparı qatnasıwshılar tárepinen úshinshi shaxslardıń avtorlıq huqıqınıń buzılıwı ushın juwapker emes, biraq eger olar anıqlansa, bunday huqıqbuzarlıqlardıń aldın alıw ilajların kóriw májbúriyatların aladı. Eger siziń yamasa basqa birewdiń avtorlıq huqıqı buzılǵan dep esaplasańız, ótinish, biz benen baylanısıń!
• Tańlaw shólkemlestiriwshileri, eger óz minnetlemelerin ámelge asırıwǵa múmkinshilik taba almasa, bul imkansız jalın, tasqınlar, basqa tábiyiy apatlar, urıslar, qurallı toqnasıwlar, ǵalabalıq puqaralıq tártipsizlikleri, epidemiyalar, terrorshılıq háreketleri hám taǵı basqalar sıyaqlı fors-major jaǵdayları nátiyjesinde júzege kelgen bolsa — olar óz minnetlemelerin tolıq yamasa derlik atqarmaǵanlıǵı ushın juwapkerlikke tartılmaydı.