Demak, siz bizning tanlovimiz ishtirokchisiga aylanmoqchimisiz? Biz bundan mamnunmiz! ishtirok etish boʻyicha bir necha oddiy qadamlar:
Oʻzbekistondagi madaniy meros obidalari roʻyxati bilan tanishing. Bu roʻyxatni mana bu yerda oʻzbek tilida koʻrishingiz mumkin. Oʻzbek tilini bilmasdan turib bu roʻyxatni oʻrganib chiqish qiyin ekanini tushunamiz. Gaplarni tarjima qilish ancha vaqt olsa ham, tushunishni osonlashtirish uchun sizga ushbu roʻyxatlarda keltirilgan xaritadan foydalanishni maslahat beramiz.
Roʻyxatdan suratga olish kerak boʻlgan obyektni tanlang. U siz yashaydigan joyga yaqin boʻlishi, siz ish safariga boradigan bino boʻlishi yoki sizning fikringizcha borish uchun qiziqarli joyda joylashgan boʻlishi mumkin.
Oʻzingiz tanlagan obyektga boring, fotosuratlar oling! Qancha koʻp surat olsangiz, gʻalaba qozonish imkoniyatingiz shuncha ortadi. Lekin yodda tuting: Bu fototanlov va u madaniy meros obyekti haqida. Shu sababli imkon boricha yuqori sifatli tasvirlarni olishga harakat qiling va tanlov mavzusiga aloqasi boʻlmagan boshqa obyektlarning tasvirga kirib qolishining oldini oling. Roʻyxat boʻyicha oʻzingiz tanlagan obyektga boring va tasvirga olishni boshlang! Qancha koʻp rasmga olsangiz, gʻalaba qozonish imkoniyatingiz shuncha ortadi. Ikki narsani esdan chiqarmang: bu fototanlov va u madaniy merosga bagʻishlangan. Shunday ekan, rasmlarni imkon boricha sifatli oling va tanlov uchun mos kelmaydigan rasmlarni olmang. Siz shuningdek, sifatli rasmlar olish va gʻalabaga tomon yana bir qadam qoʻyish uchun rasm bilan ishlash boʻyicha yoʻriqnomaga yoki arxitektura fotografiyasi koʻnikmasini yaxshilash boʻyicha yoʻriqnomaga qarashingiz mumkin.
Yetarlicha tasvirga olganingizdan soʻng, roʻyxatni qayta oching va tegishli obyekt nomi oldidagi „Yuklash“ tugmasini bosing. Shundan soʻng oʻzingiz olgan suratlarni yuklang. Iltimos, yuklayotgan suratlaringizni Vikiombor talabi darajasida va tushunarli qilib nomlang, koordinatalar qoʻshing, „Chop etish“ tugmasini bosing. Shundan soʻng siz roʻyxatdagi boshqa madaniy meros obyektini suratga olishingiz mumkin!
Yana, siz avvalroq tushirilgan eski suratlaringizni ham yuklashingiz mumkin: balki siz roʻyxatimizdagi qaysidir obyektga avvalroq borib, u yerdan goʻzal suratlarni olib kelgan boʻlishingiz mumkin. Yagona talab: Fotosuratni oʻzingiz olgan boʻlishingiz va tanlov davom etayotgan vaqtda Vikiomborga yuklagan boʻlishingiz kerak.
Agar tanlov haqida nimadir sizga tushunarsiz boʻlgan boʻlsa, siz mavjud qoidalar bilan tanishib chiqishingiz va munozara sahifasida savollar berishingiz mumkin. Biz savollaringizga javob berishdan gʻoyat xursand boʻlamiz. Omad tilaymiz, olgʻa!
.jpg)
