Commons:„Wiki Esteliklerdi Súyedi 2024“ Ózbekstanda/Qatnasıw

Wiki Esteliklerdi Súyedi Ózbekstan 2024 ke xosh keldińiz!

Bas bet

Qaǵıydalar

Qatnasıw

Jayǵastırılǵan súwretler

Statistika

Nátiyjeler

Xalıqaralıq sheńber

Wiki Esteliklerdi Súyedi Ózbekstan 2024 ke xosh keldińiz!

Bas bet	Qaǵıydalar	Qatnasıw
Jayǵastırılǵan súwretler	Nátiyjeler	Xalıqaralıq sheńber

Demek, siz biziń tańlawımızdıń qatnasıwshısına aylanbaqshımısız? Biz bunnan quwanıshlımız! Qatnasıw ushın birqansha ápiwayı qádemler: Ózbekstandaǵı mádeniy miyras estelikleri dizimi menen tanısıń. Bul dizimdi usı jerde ózbek tilinde kóriwińiz múmkin. Bul dizimlerdi ózbek tilin bilmesten úyreniw biraz qıyın bolatuǵının túsinemiz, biraq awdarma jasaw kóp waqıt talap etetuǵın bolsa da, keminde belgili dárejede túsinikli bolıwı ushın sol dizimlerde kórsetilgen kartalardan paydalanıwdı usınıs etemiz. Dizimnen súwretke túsiriw kerek bolǵan obiektti tańlań. Ol siz jasaytuģın jerge jaqın bolıwı, siz jumıs saparına baratuģın imarat bolıwı yamasa siziń pikirińizshe barıw ushın qızıqlı orında jaylasqan bolıwı mumkin. Ózińiz tańlaǵan obiektke barıń, fotosúwretler túsiriń! Qanshelli kóp súwretke alsańız, jeńiske erisiw imkaniyatıńız sonsha artadı. Biraq este saqlań: Bul fototańlaw hám ol mádeniy miyras obiekti haqqında. Sol sebepli imkanı barınsha joqarı sapalı súwretlerdi túsiriwge háreket etiń hám tańlaw temasına baylanıslı bolmaǵan basqa obiektlerdiń súwretke kirip ketiwiniń aldın alıń. Fotolardıń joqarı sapasın támiyinlew hám jeńip alıw imkaniyatlarıńızdı asırıw ushın aldın ala súwret kórsetpeleri yamasa arxitektura fotografiyasına tiyisli kónlikpelerdi jetilistiriw boyınsha qollanbalardı tekseriwińiz múmkin. Jeterli dárejede súwretke alǵannan keyin, dizimdi qayta ashıń hám tiyisli obiekt atı aldındaģı "Júklew" túymesin basıń. Sonnan keyin ózińiz alǵan súwretlerdi júkleń. Ótinish, júklep atırǵan súwretlerińizdi Wikiqoyma talabı dárejesinde hám túsinikli etip atań, koordinatalar qosıń, "Baspadan shıǵarıw" túymesin basıń. Sonnan keyin, siz dizimdegi basqa mádeniy miyras obiektlerin súwretke túsiriwińiz múmkin! Jáne, siz aldın túsirgen eski súwretlerińizdi de júklewińiz múmkin: bálkim siz dizimimizdegi qaysıdir bir obiektke aldın barıp, ol jerden gózzal súwretlerdi túsirip kelgen bolıwıńız múmkin. Birden-bir talap: Fotosúwretti ózińiz túsirgen bolıwıńız hám tańlaw dawam etip atırǵan waqıtta Wikiqoymaǵa júklegen bolıwıńız kerek. Eger tańlaw haqqında sizge qanday da bir nárse túsiniksiz bolsa, siz ámeldegi qaǵıydalar menen tanısıwıńız hám talqılaw betinde sorawlar beriwińiz múmkin. Biz sorawlarıńızǵa juwap beriwden quwanıshlı bolamız. Áwmet tileymiz, alǵa!