Saro ke ez cı ra yenane khano, ma pêro mıleto de khanime na dina sero. Ez jü zono de khan qesey kenane, zonê xo. Ez welato de khan de cüyenane, zobina cayê de nêcüyane û ez itarawane.
No ezane, ez be ho. Ez teynarane na dina gırse sero. Ez teynarane, mıletê mı xêle waxto ke merdo, teyna ez mendane. Ez zono huyo khan teyna qesey kenane.
Ez teyna fetelinane serê na raya ke heyat name bena. Ez nonê xo wenane û awa xo teyna sımenane.
Oyo ke kıtabanê xo nusneno ezane û oyo ke ine waneno onciya ezane. Ez peyê çê xo de vecinane ro kowu; ez verê çê xo de mosu dere ra pêcênane. Her roz, serba fıkıriyayen û ğeyalkerdene rê ez vecinane ro serê tumu, teyna ez be xo. Waxto ke ez çê ra düri biyane, mı mordemê bini di; ine ra tayê amey welatê mı. Ez dine rê rınd biyane. Mı werd û awe dê dine, i çê mı de araşiyêne ra.
Ma nıka... mordemê xami ke amey ita, i mı ra vanê ke ez se bıkerine, se mekerine.
Hama ita, çêwa û wayir ezane, çê xo de jü ezane.
No çê mıno khano, cawo ke pi û khalıkanê mı tede cüyêne.
No çê mı, welatê mıno; ez be xo ita teyna nisenane ro.
Note: Na jü hêkata ke mı jü albazê do Macari (Eino81) ra gurete û çarnê ra Zazaki. Na mesela seha ke zon û mıletê ma sero vata.
