Commons:Règuli pâ cancillazzioni

ntirfaccia n sicilianu Règuli pâ cancillazzioni n àutri lingui: العربية   asturianu   беларуская (тарашкевіца)   brezhoneg   català   čeština   dansk   Deutsch   English   Esperanto   suomi   français   español   Alemannisch   magyar   Bahasa Indonesia   italiano   日本語   한국어   मराठी   polski   português   русский   Türkçe   中文   +/−

Cancillazzioni (Règuli pâ cancillazzioni)

• Addumannati di cancillazzioni (Candidati)

(Missing: Copyvio • Duplicati • 0 subpages) • 2 malformed

• Speedy deletion (Cancillazzioni mmidiata)

Copyvio • Duplicati • 5 adverts • 64 selfies • Àutri mutivi

---

• Media without a license
• Media without a source
• Media missing permission
• Orphaned talk pages

---

• Cancillazzioni
• Addumannati di riprìstinu

---

Pi mantèniri efficienti Wikimedia Commons sunnu nicissari règuli pâ cancillazzioni dô cuntinutu ca nun avissi a èssiri prisenti nta Commons pi vari raggiuni. Pi simplicità, si ci arrifirisci a tutti li mmàggini, li file àudiu, li vìdiu, li file surgenti e l'àutri file ginericamenti comu "file", e a tutti li gallarìi, li catigurìi, li template, li pàggini di discussioni e tutti l'àutri pàggini ginericamenti comu "pàggini". Sta pàgina nun è na spigazzioni supra zocch'è lu copyright e nun illlustra la pulìtica dê licenzi di Commons; pi chistu, talìa nveci Commons:Licenzi.

Prucidura ginirali

Esìstinu principalmenti cincu casi distinti:

1. Mancanza di nfurmazzioni ligali: si ammàncanu arcuni nfurmazzioni riguardu la licenza, lu file veni assignalatu comu ammancanti di nfurmazzioni funnamintali; cui lu carricau veni nfurmatu, e havi 7 jorna di tempu pi sistimari lu prubblema. Doppu stu pirìudu lu file pò èssiri cancillatu a vista di n'amministraturi senza dibbàttitu ultiriuri. Tutti li file assignalati ponnu èssiri attruvati ntâ Category:Missing legal information.
2. Cancillazzioni mmidiata: si sî assulutamenti certu ca la cancillazzioni di na pàggina o dûn file trasi ntra li criteri pâ cancillazzioni mmidiata, comu p'esempiu un tò erruri di carricamentu, na viulazzioni di copyright (copyviol) chiara, "fair use", usu cummirciali nun cunzintutu e accussì via (talìa chiù sutta pê dittagghi pricisi), lu file è candidàbbili pâ cancillazzioni mmidiata. Tutti li file assignalati ponnu èssiri attruvati ntâ Category:Candidates for speedy deletion.
3. Cancillazzioni ordinaria: si c'è la nicissità di discùtiri (ca nta tanti casi è la via raccumanmata, spicialmenti si sî novu di Commons e nun canusci bonu li prubblemi c'arriguàrdanu li licenzi), lu file/pàggina avissi a èssiri elincatu ntra li addumannati di cancillazzioni. Ntô casu si prisenta un dubbiu, usa l'addumannata di cancillazzioni nveci d'addumannari na cancillazzioni mmidiata. Pi favuri, nta stu casu assignala li mmàggini cu {{delete}} e nun ti scurdari di nnicari doppu l'avvisu la mutivazzioni, d'agghiùnciri la mmàggini a l'addumannati di cancillazzioni e di nfurmari a cui carricau lu file. Pi l'addumannati di cancillazzioni attuali, talìa addumannati di cancillazzioni.
4. Duplicati: ntra l'esempi di file "duplicati", li copii idèntichi di na stissa mmàggini carricata chiù voti cu nomu diversu o la stissa mmàggini cu n'àutra risuluzzioni. N casu di dubbiu assignala lu file ntra l'addumannati di cancillazzioni. N'esempiu chiaru di quannu un file nun è cunzidiràbbili idènticu tali di putiri èssiri cancillatu mmidiatamenti putissi èssiri la sustituzzioni dûn file SVG cu unu PNG. Tu (utenti c'addumannasti la cancillazzioni) hai a orfanizzari lu file duplicatu nta tutti li pruggetti Wikimedia utilizzannu lu strummentu GlobalUsage. Doppu avìrilu fattu, l'amministratura di Commons ponnu cancillari n sicurizza lu file. Li file duplicati nun òrfani nun avìssiru a èssiri cancillati. Tutti li file assignalati ponnu èssiri attruvati ntâ Category:Duplicate.
5. Supèrflui/Qualità vascia: file supèrflui o di qualità vascia nun ponnu mai èssiri cancillati mmidiatamenti. Hannu a èssiri elincati nurmalmenti ntra li addumannati di cancillazzioni e cancillati sulu distinguennu di casu a casu.

Nta tutti li casi cunzìdira la pussibbilità d'usari GlobalUsage pi fàriti n'idìa d'unni s'attròvanu li mmàggini prima dâ cancillazzioni.

Dittagghiu dê criteri

Di sèguitu, li criteri sìnguli pâ cancillazzioni d'ognidunu dê casi ginirali vèninu illustrati ntô dittagghiu.

Mancanza di nfurmazzioni ligali

Li mmàggini ammancanti di fonti o nfurmazzioni supra la licenza avìssiru a èssiri assignalati cu {{subst:nsd}} (senza fonti) oppuru {{subst:nld}} (senza licenza). Pi favuri, nutìfica macari a cui carricau lu file c'assignalasti (talìa li noti supra li template doppu avìrili apposti ntâ pàggina di discrizzioni dô file). Doppu l'assignalazzioni, cui carricau lu file havi 7 jorna di tempu pi sistimari o currèggiri li nfurmazzioni. Si nun sistimati doppu na simana, lu file è eliggìbbili pâ cancillazzioni mmidiata. Si vennu furnuti nfurmazzioni sufficienti supra fonti e licenza, l'avvisu avissi a èssiri livatu.

Nun avìssitu a assignalari sti mmàggini pâ cancillazzioni ordinaria o mmidiata. Essennu dividuti pi data, n'amministraturi pò autumaticamenti taliari quali sunnu eliggìbbili pâ cancillazzioni attraversu la navigazzioni dê suttacatigurìi di Category:Missing legal information.

Cancillazzioni mmidiata

Ci sunnu ditirminati circustanzi pê quali un file nicèssita d'èssiri cancillatu e pê quali un amministraturi pò cancillari pàggini, mmàggini e àutri file mmidiatamenti. Li cancillazzioni mmidiati ponnu èssiri assignalati chê template siguenti, a sicunna dâ natura dâ cancillazzioni:

• {{copyvio}} pê viulazzioni di copyright. Usa la sintassi {{copyvio|1=Mutivu}} o {{copyvio|source=URL}} pi spiegari pirchì è na viulazzioni di copyright.
• {{speedydelete}} p'àutri raggiuni pâ cancillazzioni mmidiata. Nun ti scurdari di spicificari un mutivu, accussì: {{speedydelete|Mutivu}}

N'amministraturi cancella lu file/pàggina lu prima pussìbbili. Si quarchidunu nun è d'accordu câ cancillazzioni mmidiata dûn file particulari, pi favuri cancia di mmidiata a cancillazzioni ordinaria (talìa sutta). Assicùrati sempri ca tutti li culligamenti lucali a àutri file o a àutre pàggini sunnu curriggiuti prima dâ cancillazzioni. Li file/pàggini assignalati pâ cancillazzioni mmidiata sunnu autumaticamenti ncluduti nta Category:Candidates for speedy deletion e ntê sò suttacatigurìi.

Un file multimidiali o na gallarìa nun è di cunzidiràrisi candidàbbili pâ cancillazzioni mmidiata ntê casi siguenti:

• si c'è lu suspettu ma nun la cirtizza ca si tratta di na viulazzioni di copyright (di assignalari nveci nta Commons:Addumannati di cancillazzioni);
• si si tratta di n'òpira assai sìmili (o idèntica) a n'àutra, è un file supèrfluu c'havi a èssiri assignalatu cu na prucidura diffirenti (talìa sutta).
• Nun cancillari li template e li pàggini d'aiutu ca li nclùdinu comu Commons:Templates o Commons:Image copyright tags visual.

Pi favuri arricorda sempri: prima di cancillari li mmàggini n cancillazzioni mmidiata, assicùrati ca l'utenti addumannau la cancillazzioni pûn mutivu vàlidu n accordu a sti criteri di cancillazzioni. Si nun è accussì, leva l'avvisu dâ pàggina. Cuntrolla sempri la crunuluggìa dô file pi ditirminari ca la pàggina di discrizzioni nun fu vannalizzata.

Un file candidatu pâ cancillazzioni mmidiata pò èssiri cancillatu mmidiatamenti sulu ntô rispettu dê criteri siguenti:

• ca cunteni erruri, nfettu di virus, cumpletamenti jancu, ca càusa un crash dô browser, ecc. (ntô dubbio, assignalàrilu nta Commons:Addumannati di cancillazzioni comu furmatu/cuntinutu scanusciutu).
• fu pricidentimenti cancillatu ntô rispettu dê criteri pâ cancillazzioni;
• licinziatu cu na qualegghiè licenza nun lìbbira (comu fair use, sulu scopi nun cummirciali, usu esclusivamenti auturizzatu) oppuru è na viulazzioni di copyright palesi.

Na pàggina pò èssiri cancillata si è:

• vacanti e nun havi na crunuluggìa significativa;
• na viulazzioni di copyright palesi;
• un nun-senzu palesi, un test o un vannalismu;
• na pàggina o suttapàggina utenti ca la cancillazzioni fu addumannata di l'utenti;
• un redirect unni havi a èssiri spustata n'àutra pàggina
• un redirect a na pàggina nun esistenti;
• na catigurìa vacanti o ca cunteni sulu na catigurìa parenti;
• na pàggina di discussioni di na pàggina o dûn file cancillati;
• fora dê scopi dô pruggettu;
• na viulazzioni dâ pulìtica supra la privacy.

Si si tratta di file di cancillari mmidiatamenti, si cunzigghia, ma nun è addumannatu, d'usari GlobalUsage ô scopu di sistimari l'usu dô file nta l'àutri pruggetti Wikimedia. Pi la natura stissa di cancillazzioni mmidiata si pò evitari di fàrilu, ma pi favuri teni cuntu dâ prubbabbilità ca chistu càusa "pirtusa vacanti" làidi nta l'artìculi ca putissi causari esclamazzioni sgradèvuli di parti di l'utenti ca nun foru avvisati dô prubblema ovviu ca ddu file avìa.

Cancillazzioni ordinaria

Un file o na pàggina pò èssiri pruposta pâ cancillazzioni nta Commons:Addumannati di cancillazzioni ntê casi siguenti:

• Lu file/pàggina havi nu status dô copyright nun chiaru ma lu mètudu discrittu n Mancanza di nfurmazzioni ligali nun pò èssiri usatu.
• Lu file/pàggina viola li lìnii guida di Commons:Licenzi nta na manera ca nun pò èssiri difinutu cu cirtizza na viulazzioni di copyright.
• Lu file/pàggina havi un nomu scurrettu e esisti un file/pàggina cô nomu currettu (midemma: cunzìdira un redirect).
• Lu cuntinutu dô file/pàggina nun pò èssiri ditirminatu (talìa macari Commons:Images missing information).
• Lu file havi na qualità/risuluzzioni vascia (p'esempiu è sfucata o troppu nica).
• Lu file/pàggina è supèrfluu poichì nn'esisti unu migghiuri ma nun idènticu.
• Lu file è enormi e sustituìbbili cu unu chiù nicu ca cunteni tutti li stissi nfurmazzioni ùtili.
• Lu file/pàggina nun è putinzialmenti utilizzàbbili di arcunu pruggettu Wikimedia, attuali o futuru (p'esempiu, l'òpira di n'artista scanusciutu).

Lu file/pàggina è assignalatu pâ cancillazzioni agghiuncennu lu template {{delete|mutivu}} (sustituisci mutivu câ tò mutivazzioni) e quinni havi a èssiri assignalatu nta Commons:Addumannati di cancillazzioni; noltri, l'utenti ca carricau lu file avissi a èssiri nfurmatu dâ cancillazzioni pinnenti. Lu file/pàggina putissi èssiri cancillatu pi dicisioni di n'amministraturi si ntô dibbàttitu emèrginu raggiuni boni pi fàrilu. Assicùrati sempri ca tutti li link lucali ô file o â pàggina foru curriggiuti prima di cancillari. Quannu si cancella un file doppu n'addumannata di cancillazzioni, è pràttica bona cuntrullari tràmiti GlobalUsage e orfanizzari lu file. Pi chiossai nfurmazzioni, talìa Commons:Addumannati di cancillazzioni. Li file/pàggini assignalati pâ cancillazzioni ordinaria sunnu catigurizzati nta Category:Deletion requests.

Si addisìi prupòniri chiù file pâ cancillazzioni pâ stissa raggiuni (n'addumannata di massa o pruposta di massa), pi favuri talìa Commons:Deletion requests/Mass deletion request.

Duplicati

Si lu file è dô stissu tipu e sî sicuru ca lu cuntinutu è idènticu (culura, qualità ecc.) assignàlalu cu {{duplicate|Image:esempiu.jpg}} e spicìfica pô paràmitru (Image:esempiu.jpg) lu file ca pò sustituiri stu file duplicatu.

• N'amministraturi cancella lu file si nun n usu nta àutri pruggetti e si nun è un logu Wikimedia.
• Hai a usari GlobalUsage e currèggiri li culligamenti ntê pàggini ntê quali è ncludutu prima di cancillari lu duplicatu. Nun cancillari un file sulu pirchì è assignalatu comu duplicatu!
• Un file bitmap (PNG, JPEG o GIF) sustituitu di un file n gràfica vitturiali nun è cunzidiràbbili un duplicatu esattu di cancillari mmidiatamenti. Sti file hannu a èssiri assignalati nta Commons:Addumannati di cancillazzioni n manera tali di pigghiari na dicisioni ô riguardu, casu pi casu.

Supèrflui o di qualità vascia

File supèrflui o di qualità vascia ponnu èssiri cancillati sulu dicidennu casu pi casu doppu aviri statu assignalati câ prucidura ordinaria nta Commons:Addumannati di cancillazzioni. Quinni hai a furniri na spiegazzioni dô pirchì riteni ddu file particulari nfiriuri cumparatu a n'àutru.

Doppu la dicisioni nta Commons:Addumannati di cancillazzioni scurrutu lu tempu prividutu, hai a sustituiri lu file nfiriuri cu chiddu supiriuri nta tutti li pàggini ca nni fannu usu, tràmiti lu strummentu GlobalUsage. Sulu doppu n'amministraturi cancella la mmàggini. Pi favuri, sî sinzìbbili agghiri a l'àutri pruggetti Wikimedia ca putìssiru aviri ancora bisognu dô file. Ntô dubbiu, è megghiu nun cancillàrilu.

Template	Usu	Pruposta
{{Duplicate}}	pi file ca sunnu esattamenti li stissi	CANCILLAZZIONI
{{Superseded}}	si fu carricatu un file megghiu dô stissu tema	SUSTITUZZIONI
{{Vector version available}}	pi file ca foru sustituiti di SVG
{{SupersededPNG}}	pi file ca foru sustituiti di PNG

N casu di pàggini supèrflui (nun file) cunzìdira simplicimenti di rinnìrili redirect.

Comu rilivari na viulazzioni di copyright

Ô spissu, li pirsuni ca càrricanu mmàggini, n particulari fotògrafi, nun rispèttanu li nostri criteri supra li licenzi. Arcuni voti è fattu n bona fidi, àutri voti n malafidi. Di sèguitu ci sunnu arcuni cunzigghi supra comu rilivari tanti tipuluggìi di viulazzioni di copyright cu na prubbabbilità àuta.

Nun c'è pussìbbili rilivari tutti li viulazzioni di copyright. Pirò putemu rilivàrinni un nùmmiru granni simplicementi taliannu attornu, particularmenti nta Special:Newimages, tinennu prisenti li signali discrivuti nta sta lista di viulazzioni di copyright prubbàbbili:

Fotugrafìi di fotògrafi prufissiunisti

Picca d'iddi rilàscianu li propi mmàggini cu licenza lìbbera. Pigghia n cunzidirazzioni l'ipòtisi di cuntattari lu fotògrafu, si pussìbbili usannu lu mudellu d'e-mail, ntô casu quarchidunu scrivi na dichiarazzioni vaga d'èssiri l'auturi o d'avìrinni ottinutu l'auturizzazzioni.

Nta l'eventu raru ca un fotògrafu prufissiunista cunzenti di riprudùciri li sò travagghi, accèrtati ca li licinziau sicunnu li tèrmini addumannati dê licenzi lìbbiri (p'esempiu no "nun cummirciali" o "sulu Wikipedia") e manna lu pirmissu a permissions-commons@wikimedia.org.

Fotugrafìi di cilibbrità, gruppi rock, ecc.

Nun tutti sti fotu sunnu viulazzioni di copyright, ma a lu spissu lu sunnu; sti tipuluggìi di fotu mèritanu nu scrutiniu spiciali. Signali di viulazzioni prubbàbbili:

• Fotugrafìi n posa", unni la cilibbrità posa chiaramenti pô fotògrafu. Quasi sempri, sti pirsuni nun pòsanu pê fotògrafi amaturiali, ma sulu pê prufissiunisti, c'addumànnanu d'èssiri paiati pô sò travagghiu e raramenti rilàscianu li sò òpiri cu licenzi lìbbiri.
• Fotugrafìi a risuluzzioni vascia. Prubbabbilmenti pigghiati di un situ web; l'auturi origginali havi accessu a matiriali megghiu.

Naturalmenti è comuegghiè pussìbbili ca un dilittanti scattau na fotugrafìa a na cilibbrità. Esempi nclùdinu cuncerti, apparizzioni pùbblichi, ecc. Ma, giniralmenti, li pirsuni spièganu comu scattaru la fotugrafìa, e càrricanu na mmàggini a risuluzzioni àuta.

Fotugrafìi d'òpiri di angulaturi nun accissìbbili ô pùbblicu ginèricu

Giniralmenti, sulu li prufissiunisti ponnu tràsiri a lochi "sulu pâ stampa", di sòlitu chiddi c'òffrinu un puntu di vista òttimu dô quali fotugrafari.

Thumbnail (fotugrafìi a risuluzzioni assai vascia)

Chistu è un signali ch'ìnnica fortimenti la prubbabbilità ca fu scarricata di un situ web.

Licenzi suspetti

A parti screenshot e coni di software lìbbiru, picca mmàggini sunnu licinziati n GNU GPL o àutri licenzi pô software lìbbiru. Accussì comu tanti pirsuni licènzianu li mmàggini cu "PD-Self" e sìmili. Arcuni pirsuni apparentimenti scègghinu a casu li licenzi lìbbiri pi carricari matiriali prutettu di copyright.

Arti muderna

Quatri, sculturi e àutri òpiri d'arti sunnu prutiggiuti di copyright, lu quali apparteni a l'auturi (armenu, ntâ maiuri parti dê giurisdizzioni). Fotugrafìi di tali òpiri ponnu quinni èssiri prutiggiuti dô copyright di l'artista (a sicunna dâ giurisdizzioni e dô locu ntô quali s'attrova l'òpira). Cuntrolla l'eccizzioni cunzintuti: {{PD-Art}} e {{FOP}}

Utenti suspetti

Utenti ca carricaru ripitutamenti matiriali prutiggiutu di copyright cu licenza fàusa. St'utenti putìssiru aviri avutu nummirusi avvirtimenti e aviri tintatu chiù voti d'occultari l'idintità dô ditinturi dô copyright origginali dichiarannu d'aviri criatu l'òpira.

Fari appellu

Prima d'appillàriti â discussioni ca purtasti â cancillazzioni di na mmàggini, putìssitu prima discutìrinni cu l'amministraturi ca chiudìu la discussioni. Si nun otteni l'arrispunnuta ca circavi, n'appellu pô riprìstinu di na mmàggini cancillata pò èssiri fattu nta Commons:Undeletion requests.

Si la dicisioni si basau ntê pàggini Commons:Licenzi e Commons:Scopu dô pruggettu, avìssitu a esprìmiri lu tò dissenzu ntê pàggini di discussioni rispittivi.

Catigurìi

Li catigurìi nun vennu cancillati, ma rinnirizzati. Leggi A file or page needs to be renamed or moved. Can this be done? nta Commons:FAQ#Technical questions, e usa Template:Category redirect. Nun avissi a èssiri utilizzatu pi catigurìi c'hannu erruri grammaticali ntô nomu e ca quinni nun ponnu èssiri usati di l'àutri utenti. Sti catigurìi avìssiru a èssiri assignalati cu: {{bad name|Category:nomu currettu dâ catigurìa}}.

Pàggini currilati

• Scopu dô pruggettu
• Pulìtica supra li licenzi