Commons:Criteri di rilicinziamentu dâ GFDL 1.3

N sèguitu â cunchiusioni dô votu supra l'aggiurnamentu dâ licenza pê pruggetti Wikimedia, la Wikimedia Foundation dicisi d'esircitari, a pàrtiri dô 15 di giugnu 2009, la pussibbilità di rilicinziamentu, limitata ntô tempu, privista dâ virsioni 1.3 dâ GNU Free Documentation License. Sicunnu sta pussibbilità, tuttu lu cuntinutu dê siti Wikimedia, nclusu Commons, ch'è licinziatu sutta GFDL 1.3 (privistu dâ dicitura "GFDL 1.x o succissivi") e ca sudisfa li criteri d'iduneità nnicati ntâ licenza, è dispunìbbili puru sutta licenza Creative Commons Attribbuzzioni-Cundividi â stissa manera 3.0 Unported.

Criteri

P'èssiri idòniu ô rilicinziamentu, un file havi a seguiri li cunnizzioni siguenti (nnicati ntô testu dâ GFDL 1.3, sizzioni 11):

1. Havi a èssiri licinziatu sutta GFDL 1.3 (nclusi li file ca ripòrtanu la dicitura "GFDL 1.2 o succissivi", cu l'esclusioni quinni dô cuntinutu "GFDL 1.2 only").
2. Nun havi a aviri "sizzioni nun canciàbbili" o "testi di cupirtina".
3. Havi a aviri statu carricatu nta Commons o nta quarchi àutru pruggettu Wikimedia prima dô 1° austu 2009.
4. Si pubblicatu pâ prima vota sutta licenza GFDL di quarchi àutra parti ca nun è un pruggettu Wikimedia, havi a aviri statu carricatu nta Commons o nta quarchi àutru pruggettu Wikimedia prima dô 1° di nuvèmmiru 2008.

Rilicinziamentu

Tutti li file ca sudìsfanu li criteri elincati chiù susu, a pàrtiri dô 15 di giugnu 2009, ponnu èssiri utilizzati sicunnu li tèrmini dâ Creative Commons Attribbuzzioni-Cundividi â stissa manera. Li licenzi priesistenti pi sti file rèstanu vàlidi; li file sunnu multilicinziati.