User talk:Sakartvelo2024
Our first steps tour and our frequently asked questions will help you a lot after registration. They explain how to customize the interface (for example the language), how to upload files and our basic licensing policy (Wikimedia Commons only accepts free content). You don't need technical skills in order to contribute here. Be bold when contributing and assume good faith when interacting with others. This is a wiki. More information is available at the community portal. You may ask questions at the help desk, village pump or on IRC channel #wikimedia-commons (webchat). You can also contact an administrator on their talk page. If you have a specific copyright question, ask at the copyright village pump. |
|
-- Wikimedia Commons Welcome (talk) 07:42, 25 June 2024 (UTC)
შოთა მამულაძე
[edit]გამოჩენილი მეცნიერი, არქეოლოგი, გონიო-აფსაროსის მუზეუმ-ნაკრძალის დამაარსებელი და გონიო-აფსაროსის მუდმივმოქმედი საერთაშორისო არქეოლოგიური ექსპედიციების ხელმძღვანელი შოთა მამულაძე 1952 წლის 9 მაისს შუახევის რაიონის სოფელ ნენიაში დაიბადა. 1975 წელს დაამთავრა ბათუმის შოთა რუსთაველის სახელობის პედაგოგიური ინსტიტუტი ისტორია-ქართული ენა და ლიტერატურის სპეციალობით; 1978-1981 წლებში სწავლობდა ივანე ჯავახიშვილის სახელობის ისტორიის, არქეოლოგიისა და ეთნოლოგიის ინსტიტუტის ასპირანტურაში არქეოლოგიის სპეციალობით. 1975-1980 წლებში ბათუმის სახელმწიფო პედაგოგიური ინსტიტუტის ისტორიის კათედრის ლაბორანტად მუშაობდა, 1978-1991 წლებში კი, პარალელურად, ბათუმის ნიკო ბერძენიშვილის სამეცნიერო კვლევითი ინსტიტუტის არქეოლოგიის განყოფილებაში მეცნიერ-მუშაკად საქმიანობდა; 1978-1995 წლებში იყო აჭარისწყლის ხეობის არქეოლოგიური ექსპედიციის ხელმძღვანელი, რომლის დროსაც არაერთი ძეგლი იქნა შესწავლილი. 1980-1988 წლებში არჩეულ იქნა ასისტენტად ბათუმის სახელმწიფო პედაგოგიური ინსტიტუტის ისტორიის კათედრაზე; 1988-1992 წლებში კი უფროს მასწავლებლად; შემდგომა, 1992-2004 წლებში იყო ბათუმის შოთა რუსთაველის სახელმწიფო უნივერსიტეტის საქართველოს ისტორიის კათედრის დოცენტი; პარალელურად, 1994 წლიდან მუშაობას იწყებს გონიო-აფსაროსის არქეოლოგიურ-არქიტექტურული მუზეუმ-ნაკრძალის მმართველად; 2004-2006 წლებში არჩეულ იქნა ბათუმის შოთა რუსთაველის სახელმწიფო უნივერსიტეტის არქეოლოგია-ეთნოლოგიის კათედრის პროფესორად და ამავე კათედრის გამგედ; 2005 წლიდან არის გონიო-აფსაროსის მუდმივმოქმედი არქეოლოგიური ექსპედიციის ხელმძღვანელი; 2006-2013 წლებში იყო ბათუმის შოთა რუსთაველის სახელმწიფო უნივერსიტეტის ისტორიის, არქეოლოგიისა და ეთნოლოგიის დეპარტამენტის ხელმძღვანელი, ხოლო 2007-2019 წლებში ისტორიის, არქეოლოგიისა და ეთნოლოგიის დეპარტამენტის სრული პროფესორის თანამდებობას იკავებდა; 2019 წლიდან კი არის ამავე დეპარტამენტის ემერიტუსი პროფესორი. 1973 წლიდან მონაწილეობა აქვს მიღებული 70-ზე მეტ სხვადასხვა ექსპედიციაში საქართველოსა თუ მის ფარგლებს გარეთ; იყო გონიო-აფსაროსის ქართულ გერმანული, ქართულ-იტალიური და 2014 წლიდან კი ქართულ-პოლონური ერთობლივი არქეოლოგიური ექსპედიციების ხელმძღვანელი; ბათუმის შოთა რუსთაველის სახელმწიფო უნივერსიტეტში სწავლების სამივე საფეხურზე სხვადასხვა დროს სალექციო კურსს უძღვებოდა ზოგად არქეოლოგიაში, მხარეთმცოდნეობაში, საქართველოს ისტორიაში უძველესი დროიდან მეცამეტე საუკუნემდე, შუასაუკუნეების არქეოლოგიაში, არქეოლოგიური კვლევის მეთოდებში და სხვა; სამივე საფეხურზე ხელმძღვანელობდა საველე არქეოლოგიურ პრაქტიკას აჭარის ტერიტორიაზე არსებულ სხვადასხვა არქეოლოგიურ ძეგლებზე; მის მიერ ბათუმის შოთა რუსთაველის სახელმწიფო უნივერსიტეტის ბაზაზე შედგენილ იქნა არქეოლოგიის სამაგისტრო, არქეოლოგიისა და ისტორიის სადოქტორო აკრედიტირებული საგანმანათლებლო პროგრამები; ხელმძღვანელობდა არქეოლოგიის სამაგაგისტრო და სადოქტორო პროგრამებს. გამოქვეყნებული აქვს 180-ზე მეტი სამეცნიერო ნაშრომი და 15 მონოგრაფია, მათ შორის, 60-ზე მეტი ნაშრომი გამოქვეყნებული აქვს საზღვარგარეთ: ინგლისში, საფრანგეთში, გერმანიაში, იტალიაში, პოლონეთში, ბელგიაში, რუმინეთში, ბულგარეთში, რუსეთში, თურქეთში, უკრაინში და სხვა ქვეყნებში; მონაწილეობა მიღებული აქვს 70 -მდე საერთაშორისო და 40-მდე ადგილობრივ სამეცნიერო კონგრესებში, კონფერენციებსა თუ სიმპოზიუმებში; სხვადასხვა დროს იყო 10-მდე სამეცნიერო საგრანტო პროექტისა ხელმძღვანელი თუ ძირითადი შემსრულებელი; იყო სხვადასხვა გამოცემების რედაქტორი და რედკოლეგიის წევრი; იყო ბათუმის შოთა რუსთაველის სახელმწიფო უნივერსიტეტის აკადემიური საბჭოს, ნიკო ბერძენიშვილის სამეცნიერო-კვლევითი ინსტიტუტისა და ბათუმის არქეოლოგიური მუზეუმის სამეცნიერო საბჭოს წევრი, გონიო-აფსაროსის მუზეუმ-ნაკრძალის სამეცნიერო საბჭოს ხელმძღვანელი. ასევე, მისი ხელმძღვანელობით დაცულ იქნა 15 სამაგისტრო და 9 სადოქტორო დისერტაცია. შოთა მამულაძე შუახევის მუნიციპალიტეტისა და ზამლეთის თემის საპატიო მოქალაქეა. Sakartvelo2024 (talk) 08:10, 25 June 2024 (UTC)