User:Yusif 7788
Hər kəsə Salam !!! Welcome Everybody !!!
![Yusif 7788](https://upload.wikimedia.org/wikipedia/commons/f/f8/Portrait_of_Shah_Ismail_I._Inscribed_%22Ismael_Sophy_Rex_Pers%22._Painted_by_Cristofano_dell%27Altissimo%2C_dated_1552-1568.jpg)
« Vətən »
Könlümün sevgili məhbubu mənim,
Vətənimdir, vətənimdir, vətənim.
Vətənim verdi mənə nanü-nəmək
Vətəni məncə unutmaq nə demək?!
****
Anadır hər kişiyə öz vətəni,
Bəsləyib sinəsi üstündə səni.
Südüdür ki, dolanıb qanım olub,
O mənim sevgili cananım olub.
****
Saxlaram gözlərim üstə onu mən,
Ölərəm əldən əgər getsə vətən.
Vətənin neməti nisyan olmaz,
Naxələflər ona qurban olmaz.
****
Vətən əcdadımızın mədfənidir,
Vətən övladımızın məskənidir.
Vətənini sevməyən insan olmaz,
Olsa da o şəxsdə vicdan olmaz!
Abbas Səhhət
« Azərbaycan »
Azərbaycan, sənsən mənim,
Ülviyyətim, şan-şöhrətim.
Adın mənim öz adımdır,
Sənsiz mənim nə qiymətim?
****
Nəfəsimiz Babəklərin,
Sabirlərin od nəfəsi.
Mahnımızda yaşar bizim,
Babaların ayaq səsi.
****
Biz tarixə sığınmadıq,
Dünən vardıq, bugün varıq.
Biz dostluğa güvənərək,
Gələcəyə addımladıq.
****
Azərbaycan, mənim eşqim,
Mənim andım, mənim anam.
Biz ikimiz bir torpağıq,
Mən də sənin bir parçanam.
Bəxtiyar Vahabzadə