Commons:Li primi passi/Carricamentu file

Li primi passi

Tour li primi passi

• Cumprènniri Commons
• Criari n'account
• Carricamentu dê file
• Scigghiuta dâ licenza

Cunzigghi e trucchi

• Un carricamentu pirfettu
• Catigurizzazzioni dê file
• Strummenti ca simplìficanu la vita
• Prugrammi ùtili

Parti terzi

• Riutilizzazzioni dê file di Commons

Comu carricari un file

Lu link "Càrrica un file" ntô riquatru a manu manca "participari"

Doppu aviri esiguitu lu login poi carricari un file; pi fari chistu clicca ntô link "Càrrica" prisenti ntâ culonna a manu manca, ntô riquatru "participari".

Form di upload sutta la nota ligali

Siguennu lu culligamentu junci la pàggina Special:UploadWizard, ovveru un pircursu guidatu sìmplici pô carricamentu dê ducumenti nta Wikimedia Commons. Ogni nnicazzioni havi a èssiri liggiuta, puru pi canùsciri li riquisiti ligali pô carricamentu e li cunnizzioni di licenza. È ntô tò ntiressu lèggiri sta parti, datu ca li mmàggini cu licenza nun cumpatìbbili chê lìnii guida vèninu livati.

N brevi, li riquisiti principali sunnu: lu file pò èssiri riutilizzatu e canciatu pi qualegghiè fini puru senza lu cunzenzu di l'auturi, a pattu di citari la fonti. Si sî n dubbiu, prima di carricari un file nun esitari a addumannari ô Cìrculu di Commons. Giniralmenti li file rilasciati sutta na licenza copyleft, comu la GFDL (GNU Free Documentation License), vannu bonu, ma comuegghiè la cumpatibbilità havi a èssiri sempri cuntrullata.

Nzèmmula ê nfurmazzioni ligali, s'attròvanu li mòduli pô carricamentu. Pi scègghiri lu file cuntinutu ntô tò computeru clicca nta “Silizziona li file muldimidiali di carricari”; accussì facennu, si grapi na finestra dâ quali silizziunari lu file. Veni poi addumannatu di scègghiri lu nomu dô file, a menu ca nun si voli lassari chiddu origginali. Si lu nomu nun è esplicativu (es: “DSC123456.jpg”), è bonu canciàrilu nzirennu lu nomu novu. Datu ca li noma crìptici rènninu tantu chiù diffìcili lu ritruvamentu dâ mmàggini, scègghinni unu lu chiù pricisu e adattu pussìbbili. Chistu è assai mpurtanti puru pirchì nun poi rinuminari lu file na vota carricatu senza n'addumannata spicìfica chiuttostu cumplessa.

Chiù sutta s'attrova un campu ntô quali nnicari na discrizzioni dô cuntinutu dô file, senza la quali fussi difficilmenti riutilizzàbbili e cuntistualizzàbbili. Pi discrìviri, addumànnati simplicementi: zocchi rapprisenta lu ducumentu? Unni e comu fu pruduciutu? Di cui? Quannu? Nta ogni casu teni sempri cuntu dê punti siguenti:

• Si sî lu criaturi dô file, simplicementi dichiàralu.
• Si lu cupiasti di n'àutru situ, furnisci lu nnirizzu.
• Si lu cupiasti di n'àutru WikiPruggettu, ìnnica quali (p'esempiu, "Wikipedia n lingua siciliana"), l'auturi ddà dichiaratu, e lu tìtulu origginali.
• Si stai carricannu na virsioni canciata dûn file, è mpurtanti spicificari câ pricisioni màssima quali foru li canciamenti.
• Pussibbilmenti, nzirisci macari la mmàggini catigurìa spicìfica e nta na gallarìa (talìa li dui link pi apprufunnimenti).

Nnicazzioni chiù spicìfichi supra comu discrìviri na mmàggini s'attròvanu nta: Commons:Li primi passi/Qualità e discrizzioni.

Noti:

• Pi l'utenti novi, nun è pussìbbili suvrascrìviri file esistenti pûn pirìudu di 4 jorna (la suvrascrittura di mmàggini di l'àutri è comuegghiè scunzigghiata ntâ maiuri parti dê casi).
• Prucedi câ pàggina pròssima Li_primi_passi/Scègghiri_la_licenza ch'è essinziali ê novi arrivati pi carricari currettamenti un file.

Chiossai litturi

Pàggini nta Commons:

• Scopu dô pruggettu (n ngrisi)

Pàggini di manuali di MediaWiki:

• Mmàggini e àutri file carricati (n ngrisi)
• Pàggina di mmàggini (n ngrisi)