Category:Wiki Loves Folklore 2023/kcg

This category is being discussed as part of a Categories for discussion process. As a result of this discussion, pages and files in this category may be recategorized (not deleted). Please do not make major changes to this category (or to categories and pages related to this discussion), or remove this notice until the discussion has been closed.

• TASHIKUM*

*A̱murum( Kura )🐺ma̱ng🐇 A̱som*

Tashikum nyin? Tashi nta. Njhyang na? Ninia ma̱ng A̱nwan.

  Ma̱ng jen jhyang mi̱ ndyia ma̱ a̱di̱di̱t nyi kan swak a̱ni, *A̱murum* ma̱ng *A̱som* ku yet a̱chuchuk a̱kpa̱nda̱ng bya. Ba̱ ku nyian kuzang kai kyang dungdung. Ba̱ bu ni bwom a̱ tsa nsong  ndung

si̱ a̱ghyang a̱tuk, A̱som si̱ nyia, A̱kpa̱nda̱ng nung A̱murum, ku na yet a̱sham zi̱ khyiak khap dungdung a̱wot zi̱ ba byi zwa. A̱murum si̱ nyia, chik, a̱ tyiak na, zi̱ na ncyui nkyayak ma̱ a̱di̱di̱t, a̱wot zi̱ ba chak na, zi̱ lyap a̱ghyang a̱niet dyo- ma̱ng yahwa zi̱ na cyui? A̱som si̱ lyip. A̱murum si̱ dam a̱ngang gu si̱ nyia ku na yet a̱sham ba̱ cyui swákpak. A̱som si̱ shim. Chik A̱som si̱ ki nyia ma̱ng Amurum ba̱ kau tam hu konyan a̱ ka lyen kyang ku myim a̱ nyia a̱ni. Tam nung hu na yet fi̱n Á̱kaman nia ma̱ng swákpat ji, Nfa̱k A̱som. Yihwa nang A̱som si̱ nyia A̱murum wa gu kak á̱kwop ba, a̱wot a̱ kap a̱byin ka. A̱murum si̱ nwuo kwop a̱dyii̱ng nyi nggu wa nang á̱ nwuak gu a̱gba̱nda̱ng tam wu. Yahwa A̱som si̱ nyia tam fi̱n á̱kaman hu ma bu fa̱k aa? Tam nung hu yet a̱dadai bah. N na nwuo ban á̱ka̱kwon nfi̱n á̱kaman a̱tamam ma̱ng a̱kyetuk/a̱tyetuk. A̱ wa shya nwan a̱ na mbyi nyiak a̱kwon bah, nfa̱k A̱som.

A̱wot A̱murum, mat a̱nanyiat swang a̱lyiat a̱ gwut a̱bwonu a̱som a̱ni si̱ tyia gu lyin kyang kaat. A̱ si̱ shim gu kap a̱byin ka. Tam hu ku shi bat. 
A̱som ku byeang nggu bah ku ma̱ chunchwiit. Nang gu ntyiak kap a̱byin ka a̱ni, A̱murum sii̱ bu cyui swákpat ji káp a̱byin ka ma̱nyin gu. 

Nang á̱kwop nta ma̱ a̱byin ka a̱ni, A̱murum wa si̱ bu nat a̱tyiang na ma̱nyin gu. Tam hu ku shi bat.

A̱wot A̱som si̱ wa nyiak a̱fang kya a̱ swan a̱ bwom :

A̱kpa̱nda̱ng nung wu yet a̱tyuntam wu, Nung n si̱ gyet a̱tyu kau a̱di̱dam. A̱ nyia tam nang tsaai khap a̱ni, nung gwa si̱ gyet A̱tyoli nggu wu. A̱byin ka? nggu wa kap, nfang na! nggu wa si̱ lung. Zwa ji a? nggu wa cyui, Á̱kwop ba! nggu wa si̱ tyiang.

Ku wot a̱nia, zi̱ si̱ na kparam swákpat ji ndung. 
 Nang swákpat ji bi kyiak lin a̱ni, A̱som si̱ hyaat a̱bwom ka ma̱ng a̱gwai tsa nfi̱n á̱kaman na mi̱ swákpat ji. 

Fi̱n á̱kaman hu ku ki ngyet tam vwuan a̱khwu hwa bah, danian ku lang a̱la̱khyia a̱som ku gwut baah.

 Kwai doot hwa vwuo a̱khwu, swakpat si̱ kin maai á̱ kparam. 

A̱som si̱ bu tak ma̱ng A̱murum nyi ba̱ bu na kau tam kparam sa̱kpat hu tsatsak mba. A̱som si̱ ki ngyong kiki nyia, N na chak kyang ku ta a̱ gwut tazwa a̱ni a̱wot nwan A̱murum a̱ chak kyang ku ta a̱ nwuo a̱byin a̱ni.

 A̱murum nfa̱k a̱nia a̱ni a̱ si̱ kyiak ngyei a̱tan a̱di̱dam wa a̱som bai dyo. 
A̱wot A̱som si̱ bu nyia, Nung gwa na tsa chak si̱ nung hu a̱wot nwan meang a̱ si̱ ma bu bai a̱ chak sunwan. 
 Shim a̱nia, A̱som si̱ bai a̱ bu kparam swakpat ji sa̱rai ma̱ a̱byin ka a̱ sisi̱ koot ma̱ a̱gbam gu. 

A̱murum si̱ ma nat chak kyang ku ta a̱ nwuo a̱byin a̱ni. Gu si̱ ta̱bat lung a̱ bu lung a̱kat a̱ byia a̱di̱dam nyia a̱ na nshyia kyang tswa, a̱wot a̱ si̱ shya ma̱ ninan bya a̱bin ka. A̱ si lung koji, da nggu a̱ shya kyang a̱ chak bah. A̱murum si̱ nyia a̱di̱dám na ni nyi á̱ shyok gu. A̱ si̱ fa̱k byian fwuo bat. A̱ si̱ bwok nat mali ma̱ng a̱khwot á̱kachiyang. A̱jenshyung, a̱ si̱ nat mali a̱som ma̱ng a̱lyia ya. A̱ si̱ shya A̱som gu swan a̱zanu nyuo. Yahwa gu nyia ma̱ng a̱son, yok zi̱ bu nyia khap ndung Nfa̱k A̱murum.

 A̱murum si̱ ka tak a̱som nyia, Ma̱ a̱chak ka ni nung gwa na nchak a̱mgba̱m kuzang kyang ku ta a̱gwut tazwa a̱ni a̱wot nwan a̱ chat su ku ta a̱ nwuo a̱bin a̱ni. A̱som si̱ ka nshim kiki. 

Yahwa gu ka nnyia ma̱ng Amurum, yihwa na nvwong zi̱ shai zwa swápkat ji a̱wot zi̱ cyui yak ghyang hwa ma zan?

  Ba si̱ shim ba̱ chyui *A̱RUNGUNA*( A̱dankali ). 

A̱murum si̱ yong nyia ma̱nini ba̱ na mbyia a̱tyu shyok a̱ghyang bah. Nyia a̱mgba̱m khap hu, chyui hu ma̱ng turum á̱kwop ba ba̱ na nyia dungdung. A̱som si̱ shim a̱nia wu.

 Toh, ba̱ si̱ kwa tam khap hu, a̱ mbwom bubwom ba̱. 

Nang a̱runguna ba mai lung a̱ni, A̱som si̱ nyia ma̱ng a̱kpa̱nda̱ng nggu wu A̱murum gu nat a chak kyang ku ta a̱gwut tazwa a̱ni, manan ba̱ ku nyia a̱li̱kauli̱ a̱ni. A̱murum si̱ doot ~kapatkakpat kapatkakpat» a̱ naat chak yak a̱ si̱ chat kyang gu na chak a̱ni, da nggu a ndi kyang bah. Ma̱ á̱kikyo A̱runguna byia gu si̱ li ba̱ yong. Gu si̱ bwok kat a̱mali ma̱ng a̱khwot á̱kachiyang.

A̱wot A̱som si̱ nat a̱ sisi̱ lung a̱runguna ma̱ng fwuo gu nyiung, a̱chichet gu zam, a̱ sisi̱ koot ma̱ a̱gban. 

Nang A̱murum ba ndi zwá nang Asom ̌̌̌̌̌̌tung a̱ni, ku si̱ nang gu a̱lyia ya. Yahwa mbyia a̱ nshyok nung a̱nia? A̱murum wa lyip A̱som. A̱som si̱ tak nyia A̱murum wa ma̱ng a̱pyia nggu ku khai a̱ chak kyang ku ta a̱ gwut tazwa ka a̱ni. A̱murum nfa̱k a̱nia a̱ni, fwuo gu si̱ byan ba̱t. A̱ si̱ tabat fi̱n a̱som gu ka tan kyang ka nyia gu dyo a̱ni, a̱som si̱ tyong ma̱ng fwuo gu nyiung, nang á̱ ka ndyen ka ma̱ yet a̱batyu byi gbaat mi̱ a̱ti̱tak a̱ni.

 Neet a̱tuk a̱ kya, ba bai a̱fwun, 

A̱som ma̱ng A̱murum bu yet a̱kpa̱nda̱ng bah, à̱niet lak-li a̱ghyang bya.

Da li huhwa mbyia mumwang nfi̱n bwuon bah.

*Mgbelu*. 🤠

✍️A̱tyulyuut: *Danjuma Gwakhap Anthony* . ®danjumaanthony54@gmail.com Original copy© Translated from English to @Tyap √℅