Category:Church of Sts. Constantine and Helena (Ohrid)

Македонски: Црквата Св. Константин и Елена во Охрид, Македонија. Таа е подигната е на доминантно место, во стариот дел на градот во непосредна близина на црквата Св. Климент. Над јужниот влез од внатрешноста е откриен натпис на кој пишува дека црквата е подигната и живописана во 1477 г. Во натписот се споменува ктиторот Партение и тој е насликан со модел во рацете. До него е насликана и неговата мајка Марија и синот Михајло. Во архитектонски поглед оваа црква е еднокорабна со попречен полу-облест свод (трансепт). Правоаголната основа е засведена со полуоблест свод и завршува на исток со тристрана апсида. Подоцна од јужната страна е доѕидан еден мал параклис посветен на великомаченицата св. Параскева (Петка). Целата црква во внатрешноста е живописана. Во олтарниот простор е насликана Св. Богородица Ширшаја, а под неа светите архиереи: Василис. Григородие, Јован и Атанасие. На јужниот ѕид се претставени царот Константин и неговата мајка Елена. Фреските во втората зона ги исполнуваат композициите: „Слегувањето на светиот дух”, „Успението на Пресвета Богородица", „Тајната вечера", „Молитвата во Маслиновата Гора”, „Одрекнувањето Петрово”, „Оплакувањето" и „Погребението Христово”. Во сводот се најубавите ликови на „Бог Отец”, „Бог Син" и „Светиот Дух”. Во тремот на црквата посебно внимание заслужува фрагментарно сочуваната композиција „Заминувањето на светите воини во борба за победа на христијанството".