File:Ravioli Broccolini.jpg

Íslenska: Ravioli Broccolini (fæddur 1935 á Ítalíu) er sænskur listamaður, sem löngum hefur þótt storkandi með verkum sínum og hafa verkin hans oft á tíðum þótt feimnismál.

Árið 1963 vakti hann mikla athygli með málverkinu sínu Impalata sem myndi á íslensku vera þýtt Staurfestur. Verkið sýnir mann sem er krossfestur á vígamikinn kross, einungis hengdan upp á typpinu, þar sem sjálfur líkaminn hangir. Ravioli notar svartan, gráan og hvítan að mestu til að draga fram myrkar skuggahliðar og birtu, en einnig gulan í og með sem fyrir hann – táknar fals og lygi. Ravioli storkar hér feðraveldinu sem er ríkjandi innan kaþólismans og innan hinnar kristnu trúar almennt. Og var verkið til sýnis í Göteborg Konstmuseum hið sama ár, en hafði á undan farið í gegnum mikið ferli þar sem stjórnendur safnsins tóku til meðferðar – hvort yfirhöfuð væri hægt og hreinlega safninu sæmandi að hafa verkið til sýningar.

  Nefndin komst að þeirri niðurstöðu að rétt væri að hafa verkið til sýningar, en sætti mikilli gagnrýni frá almenningi og ráðamönnum víðsvegar um landið, en ekki síst frá kaþólikkum víðs vegar um heiminn og þá aðallega kaþólikkum á Ítalíu og vó þar þá sennilega þungt að Ravioli átti rætur sínar að rekja þangað. Fannst þeim sem að þeim væri vegið og að með þessari uppákomu væri Ravioli ekki aðeins að skíta út sinn eigin uppruna og það umhverfi sem hann ólst upp í, en að með þessu væri hann einnig að gerast sekur um alvarlegar syndir gegn Guði og trú landsmanna sinna.

Verkið olli í raun svo miklu fjaðrafoki að því var stolið að næturlagi þann 27. maí sama ár, eins og mörgum er kunnugt og verkið brennt að stórum hluta og skilið eftir fyrir utan safnið næsta morgun.

  Ravioli ólst upp að hluta í bænum Napoli á Ítalíu, eða þangað til hann hafði náð fimm ára aldri. Kaþólskir foreldrar Ravioli höfðu úr litlu að moða en lögðu alla sína trú og allt sitt traust á Guð en kenndu honum einnig um, ef eitthvað fór úrskeiðis.

Árið 1940 bauðst foreldrum Ravioli tækifæri til að flytjast búferlum til Svíþjóðar sem og þeir þáðu, en trúarleg afstaða foreldranna breyttist aldrei og virtist sem þessi afstaða þeirra héldi fjölskyldunni í viðjum fátæktar og eymdar. Með tímanum gerist Ravioli mjög gagnrýninn á bakland sitt, foreldrana jafnt sem og trúarlegt viðhorf þeirra og fer að tjá sig um það í gegnum list. Ravioli þróaði með sér þá skoðun að trúarbrögð ættu ekki að vera hið leiðandi afl, hvorki í þjóðfélaginu né innan fjölskyldunnar.

  Innblástur sinn sótti Ravioli til að byrja með, í sína eigin æsku og líf foreldra sinna. Hann 

var tuttugu og þriggja ára þegar hann lauk námi frá Akademin Valand í Gautaborg og hélt svo utan til Ítalíu, til Florence þar sem hann lauk mastersnámi í Saci, Studio Art Centers International Florence. Í verkum hans má gæta áhrifa úr ymbolisma og art brut.

Ravioli Broccolini hafði með list sinni áhrif á aðra listamenn svo sem listamanninn alveg Octavio Ocampo (fæddur 1943 í Mexíkó), sem einnig málaði og gerði myndir með skírskotun til kirkjunnar og trúarbragðanna, en sem ekki fór alla leið með það eins og Ravioli gerði.

Og með þekktari listamönnum sem hafa orðið fyrir áhrifum að verkum Ravioli er Madonna (fædd 1958 í Bandaríkjunum) söngkona, en hún hefur farið yfir mörg mörkin í söngtextum sínum og tónlistarmyndböndum, enda á hún einnig rætur að rekja til uppeldis innan kaþólks ramma.