File:Naples Museum 198 (15208609479).jpg

IGUR 1.235 = IG 14.1054 = IGRR 1.149

face a, front 1 (pictured above):      ἀγαθῇ ∙ τύχῃ      Μ(άρκωι) ∙ Αἰλίωι      Αὐρηλίωι ∙ Καίσαρι      Τ(ίτου) ∙ Αἰλίου ∙ Ἁδριανοῦ̣ 5   Ἀντωνείνου      Σεβαστοῦ ∙ Εὐσεβοῦς ∙ υἱῷ      Μ(άρκος) ∙ Οὔλπιος      Δομεστικὸς      ὁ ἀρχιερεὺς 10  τοῦ ∙ σύνπαντος ξυστοῦ ∙ καὶ      ἐπὶ βαλανείων Σεβαστῶν.

face b, right.1      ἀγαθῆι ∙ τύχηι      Αὐτοκράτωρ ∙ Καῖσαρ θεοῦ Τραιανοῦ Παρθικοῦ υἱός,      θεοῦ ∙ Νέρουα ∙ υἱωνός, Τραιανὸς ∙ Ἁδριανὸς ∙ Σεβαστός, ἀρχιερεὺς      μέγιστος ∙ δημαρχικῆς ∙ ἐξουσίας ∙ τὸ ∙ ιη ∙ ὕπατος ∙ τὸ ∙ γ ∙ 5   πατὴρ ∙ πατρίδος ∙ συνόδῳ ∙ ξυστικῇ ∙ τῶν ∙ περὶ τὸν      Ἡρακλέα ∙ ἀθλητῶν ∙ ἱερονεικῶν ∙ στεφανειτῶν ∙ χαίρειν·      καὶ τόπον ἔνθα ∙ βούλεσθε ∙ κελεύσω δοθῆναι ὑμεῖν ∙ καὶ ∙ οἴκημα      ὡς τὰ γράμματα ἀποτίθεσθαι τὰ κοινά· καὶ εἰ τῶν διπλῶν τὴν      μεταποίησιν ∙ ἀνανκαίαν ∙ νομίζετε, τοῦτο ἐφ’ ὑμεῖν ἐστιν. 10  ἐπρέσβευεν Οὔλπιος ∙ Δομεστικός ∙ εὐτυχεῖτε.