File:Movatna naturreservat (02).jpg

Norsk nynorsk: Movatna naturreservat. Biletet er teke mot sørvest, og i venstre kant av fotoet ser ein delar av det minste av dei to vatna som går under namnet Movatna. Siste dagen i mai har myrulla og ei og anna molteplante begynt å blomstre. I framgrunnen ei grop som tydeleg viser at ein her tidlegare har skore brenntorv. Naturreservatet ligg nord på Vågsøya, på vestsida av vegen til Kråkenes, og utgjer ein del av eit platå som endar i bratte kystklipper (næringskyst). Berggrunnen er i hovudsak gneis, men har mindre parti med mangeritt, olivin og eklogitt. Platået har god dekning av lausmassar, og har både lynghei og terrengdekkjande myr, og overgangsformer mellom desse (fukthei). Myrreservatet grensar i vest til Einevarden sjøfuglreservat. Verneformål: Lynghei og særs godt utvikla oseaniske myrtypar. Naturfaglig kvalitet: Terrengdekkjande hallande teppemyr og tuebakkemyr utgjer størstedelen av myrarealet. Dessutan finst ei planmyr og førekomstar av flatmyr. Teppemyrane er dominerte av torvull. Krekling, blokkebær og bjønnskjegg er også vanlege, og i erosjonsfurer er duskull dominerande. Duskull og fleire ”minerotrofi-indikatorar” veks i dette området jamvel ombrotroft. I tilløp til rikmyr finst dvergjamne, trillingsiv og svarttopp. Heiane femnar om både fukthei av nordleg type (med dvergbjørk og rypebær) og røsslyng-blåtopp-type, fjellhei, grashei med finnskjegg og bjønnskjegg, og små areal med blåbærhei. Kystklipper og bergkløfter har artsrik flora med m.a. oseaniske artar som kystarve og hinnebregne. Varmekjære lauvkratt har hassel, hagtorn, lundgrønaks, kransmynte m.fl. (Kjelde: http://faktaark.naturbase.no/Vern?id=VV00002290)