File:Kopertina libri.jpg

English: “Udhëtim me Gaqo Papanë në Sopikun tonë”, me autor Sotir Papa

“Udhëtim me Gaqo Papanë në Sopikun tonë”, është libri me qarkullim të shpejtë dhe që ka ngjallur interes të veçantë në hapësirën nga Sopiku në Sarandë. Ky libër është një kontribut në historinë dhe të sotmen e Sopikut, shkruar nga Sotir Papa. Ajo që mund të evidentohet si kryevlerë, është se ky libër merr shkas nga përmbushja e një detyrimi të birit për babanë. Por gjithçka lëviz në relievin e fshatit Sopik. Në këtë kontekst, ai përfaqëson një libër me vlera jo thjesht autobiografike, Libri mbush një boshllëk në të kaluarën dhe të sotmen e fshatit Sopik, i njohur si fshat i Revoltës Historike dhe si fshati që ka ushqyer e ndërtuar edhe qytetin, me zanatçinjtë e vet të përsosur. Ky libër kapërcen formatin e një libri biografik, duke na ardhur si një dritë mbi historinë, arkeologjinë, kulturën dhe jetëshkrimin e një fshati të tërë, si Sopiku. Pra, dy protagonistët e pandashëm gjatë tërë librit, janë Gaqo Papai dhe Sopiku e sopiqotët. Autori Sotir Papa pati shtysën e brendshme që ky libër të shihte dritën e botimit, shtysë që e mbante prej kohësh brenda vetes, Dhe ndjehet i lehtësuar që ia ka dalë të shlyejë një detyrim ndaj babait të vet, ndaj fisit të vet, por edhe ndaj fshatit Sopik e sopiqotëve, nga të cilët asnjëherë nuk e ka shkëputur veten. Edhe paraqitja grafike e librit, është pjesë e vlerave të botimit. Ajo është në unitet me anën përmbajtësore dhe e bën atë një libër që qëndron mirë në raftet e bilbiotekave tona. Libra të tillë, me këtë objekt dhe format, për fshatra që hedhin dritë mbi historinë dhe aktualitetin, është e nevojshme të jenë më të shumtë në numër dhe të vijnë si kontribut jo vetëm i autorëve. Mbështetja për të plotësuar këtë boshllëk, mund e duhet të vijë edhe nga Bashkitë jugore dhe nga biznesi vendas, që duhet të kuptojë se sposorizimi në këtë fushë, është sponsorizim për të t’u lënë brezave dëshmi të gjalla dhe të shkruara.

Botimi “Udhëtim me Gaqo Papanë në Sopikun tonë”, ka një vend të posaçëm në këtë mision, që duhet të bëjë krenar çdo sopiqot, kudo ku është. “Udhëtim me Gaqo Papanë në Sopikun tonë”, është një vlerë që ofrohet për këdo që dëshiron t’i referohet, sot e në të ardhmen.