File:Himig Pinoy Music Group - Bagac, Bataan.gif

Tagalog: Ang Himig Pinoy ay isang grupo ng mga kabataan sa Bagac, Bataan kung saan Boluntaryo silang nagtuturo sa mga kapwa kabataan ng mga instrumentong Pang Musika. Nagsimula ang grupo sa dalawang magkaibigan at dati ring magkasama sa banda na sina Ronnie Seramines at Froilan Cascasan. Nagkasundo ang magkaibigan na bumuo ng isang grupo o organisasyon na libreng magtuturo sa mga kapwa nilang kabataan na nahihilig sa musika, ito ay isa ring paraan upang mailayo o maiiwas sa masamang bisyo ang mga kabataan, Ngunit noong panahon na yun ay nasa California si Froilan Cascasan at tanging si Ronnie Seramines lamang ang nasa Pilipinas. Sinimulan ni Ronnie Seramines ang pagbubuo ng grupo at paghahanap ng mga gustong matuto noong Marso 2013 at sa pagsapit ng Hunyo 12, 2013 araw ng kalayaan ay pormal ng itinatag ang grupo at binigyan nila itong pangalan na Himig Pinoy Music Group Bagac, Bataan. Sa simula ay mayroon na agad 23 miyembro ang grupo at naging katuwang din ni Ronnie Seramines sa pagtuturo ang kanyang mga kaibigan at kasama rin sa banda na sila Arnel Cabanit,Christian Jay Espinoza, Christian Villasenor at Marvin Quitalig at tuwing araw ng linggo sa bahay mismo ni Ronnie Seramines nagaganap ang pagtuturo.Sa paglipas ng mga buwan ay unti unti pang nadagdagan ang mga sumali sa Himig Pinoy at noong December 11, 2014 ay napagkasunduan na magkaroon ang grupo ng kauna unahang Battle of the Band at sila ay bumuo ng mga opisyal na mangangasiwa sa Programa, Si Ronnie Seramines ang naging President, Aries Lucas sa Vice President, Wendy Arasan sa Secretary, Willson Alfonso sa Treasurer at si Christian Jay Espinoza naman ang naging Officer Adviser ngunit dahil sa hindi inaasahang sama ng panahon ay ipinagpaliban muna ito at itinuloy noong December 13, 2014.

Dahil sa matagumpay na programa napagkasunduan na ng samahan na ipagpapatuloy na ito taon taon ngunit ang petsa ay binago nila at ginawa na nila itong pagkatapos ng Pasko. At napagkasunduan din nila na kada taon ang pagpapalit sa pwesto ng mga opisyal ng grupo na hahawak sa Programa. Sa ikalawang Battle of the Band si Ronnie Seramines na ang naging Officer Adviser at si Willson Alfonso naman ang naging President, Marvin Quitalig sa Vice President at Ge-ann Duana naman sa Secretary at Auditor. katulad nung una ay naging matagumpay ulit ang kanilang programa. Noong ikatlong Battle of the Band ay naging tatlo na lamang ang Opisyal ng grupo at ito ay si Ronnie Seramines bilang Officer Adviser, Marvin Quitalig bilang President at Donna Torres bilang Secretary. Sa ikaapat na Battle of the Bands ay Tatlo na lamang ulit ang naging Adviser ng Grupo at ito ay Sila Ronnie Seramines bilang Officer Adviser, Rudyard Paolo Ocampo bilang President at Marvin Quitalig bilang Organizer. Unti unti ng lumiliit ang bilang ng grupo wala na rin halos ang mga kabataan na naging miyembro noong una dahil sa sila ay mga nasa kolehiyo na at naka focus na sa pag-aaral. Ngunit pagsapit ng ikalimang battle of the band ay muling sumigla at nagkaroon ulit ng mga panibagong miyembro ang grupo, Si Ronnie Seramines pa rin ang Naging Officer Adviser noon habang si James Kenneth Malabanan naman ang naging President, Catherine De Guzman bilang Vice President, Marvin Quitalig bilang Organizer. at naging matagumpay at ito rin ang naging pinakamagandang event nila mula noong nagpa battle of the bands sila.

Noong February 2019 ay nagkaroon naman ang Himig Pinoy na kauna-unahang OPEN MIC event kung saan hindi lang mga nagbabanda ang kanilang pinasali kundi pati na rin ang mga nag SPOKEN POETRY. Ang mga organizer's ng programa na ito ay Sila Mark Francis Larion, Ej Tutol, Catherine De Guzman, Marvin Quitalig at Ronnie Seramines. Ang linita ng programa ay kanilang ibinigay sa mga kababayan na nasunugan sa isang Bayan sa Bataan.

Sa ikaanim na Battle of the Bands ay naging masaya at maganda muli ang kanilang programa, si Ronnie Seramines pa rin ang Officer Adviser habang si Catherine De Guzman naman ang President, Carlos Joseph Dela Rosa bilang Vice President, Carl Lois Bantugan bilang Secretary, Marvin Quitalig sa Organizer.

Sa kasalukuyan umaasa ang grupo na muling magiging tagumpay ang Battle of the Bands sa ilalim ni Carlos Joseph Dela Rosa bilanng President.

ang mga susunod na mamumuno sa Himig Pinoy Music Group Bataan ay susundan nila Carl Lois Bantugan, Aira Margallo at Seiji Pepito.