File:Fehdebrief Hans von Waldburg an die Stadt Ravensburg 1389.jpg

Die von Rauenspurg, als ir wol wissent, daz ir mir ietz vil iâr min väter-
lich erb, lüt vnd guot genommen hând wider rehtz vnd, das ich dar vmb nie rehtz
von üch bekomen moht; dar zu hând ir mir ôch die minen verbrent, berôbet
vnd geschätzt, dich ze versprechent hân, alles wider reht vnd vnwidersait;
vnd über daz, das ich noch die minen üch nie laid noch laster getân habent,
da wissent, daz ich dar vmb üwer burger vnd aller
der, die üch gen mir hêlffent vnd noch nie nach üch gen mir helffent werdent,
bis daz ir mir vnd dem minen das wider kerent vnd bessrent; vnd wil ôch
dar vmb gen üch vnd gen den selben mit disem brief min er bewart hân.
Geben zuo dem Bussen am samstag vor Vrbani anno *etc, LXXXVIIII°

Hans Tuchsäs
ze Walpurg