File:BnF ms. 22543 fol. 23v.jpg
![File:BnF ms. 22543 fol. 23v.jpg](https://upload.wikimedia.org/wikipedia/commons/thumb/e/e5/BnF_ms._22543_fol._23v.jpg/442px-BnF_ms._22543_fol._23v.jpg?20140601090535)
Original file (4,115 × 5,579 pixels, file size: 3.01 MB, MIME type: image/jpeg)
Captions
Captions
Summary
[edit]DescriptionBnF ms. 22543 fol. 23v.jpg |
Français : Folio 23v du chansonnier provençal (Chansonnier La Vallière) |
||
Date |
14th century date QS:P,+1350-00-00T00:00:00Z/7 |
||
Source |
|
||
Author | Unknown authorUnknown author |
Licensing
[edit]Public domainPublic domainfalsefalse |
![]() |
This work is in the public domain in its country of origin and other countries and areas where the copyright term is the author's life plus 100 years or fewer. ![]() |
This file has been identified as being free of known restrictions under copyright law, including all related and neighboring rights. |
https://creativecommons.org/publicdomain/mark/1.0/PDMCreative Commons Public Domain Mark 1.0falsefalse
Annotations InfoField | This image is annotated: View the annotations at Commons |
Mos Cominals fai ben parer
que, si el pogues dir ni far
cauza que·m degues enuiar,
elh en faria son poder:
mas paubreir’e vilenc l’assalh
e poders e jovens li falh,
per c’als guerriers non fai paor;
e non a amic ni senhor
que no·l tenha per enoios,
mas tan can ditz nostras tensos.
E s’ieu lo voill ben dechazer,
que·l voilla tolre mon chantar,
ja non er qui·lh don a manjar
ni·l voilla albergar un ser:
mas metrai lo chan dins serralh
per qu’el soven trembl’e badalh.
Que la verchiera de s’oisor
vendet, don son gai mant pastor,
car lai vivi’ ab sos lairos
emblan las fedas e·ls motos.
Anc ab armas no saup valer
hom mens, tan se·n volgues lauzar,
ni als guerriers, mas ab parlar,
no saup hom mens de dan tener:
mas soven mou guerr’e assalh
a sels que an croz e sonalh,
don mil monge dins refeitor
preian, ploran, nostre Senhor,
qu’en Pons Tortz e’n San Laurens fos,
si com es, vielhs e sofraitos.
Lialtat sol mot mantener
e falsedat tostems blasmar,
mas al Tornel la·i vim laissar
e del tot metr’en non chaler;
per que ditz lo paire n’Eralh
que home qui nafre e talh
e prenda son lige senhor
ni·l removia castel ni tor
no·l deu mantener nuls homs bos,
per qu’el no·l manten ni·n Randos.
Ja nulh marit non cal temer
de lui ni sa molher gardar,
ans lo pot laissar domneiar
et estar ab leis a lezer;
que cal que·l debois ni l’entalh,
deboissar lo pot d’aital talh:
ses pel, ses carn e ses color
e ses joven e ses vigor;
e d’ome qu’es d’aital faisos
non deu esser maritz gelos.
Comtor d’Apchier rebuzat,
pos del chan vos es laissat,
recrezut vos lais e mat,
loing de tota benanansa,
vencut de guerr’e sobrat,
comtor mal encompanhat,
ab pauc de vi e de blat,
plen d’enoi e de carn ransa.
Aisi prenc de vos comjat,
pos mai de mi no chantat,
e del vostre vielh barat,
e de vostra vielha pansa,
e del nas tort, mal talhat,
e del vezer biaisat,
que tal vos a Dieus tornat
c’anas co escut e lansa.
Be·us a breviat lo corril
Monlaurs, que tenias vil,
que de mai tro en abril
vos fai estar en balansa;
e non aves senhoril
tant aut so dur cor apil,
que ja·us trobon en planil,
per que·m pren de vos pezansa.
Et an vos claus lo cortil
sil que·us son deus lo capil,
e tornat de brau humil
e tout chan et alegransa;
e s’anc raubes loc mongil
ara·us faitz dire a mil
que Dieus e l’orde clergil
vos an tout pretz et onransa.
Pos del chantar em al som
aisie·us desampar lo nom;
totz vostr’argens torn’en plom
e vostr’afars desenansa.
Vilhetz pus blancs d’un colom,
be·us menon de tom en tom,
e no sabetz qui ni com.
Tart seres mais reis de Fransa!
Vielh Cominal, ma tor
ai cobrad’a honor,
car bon envaidor
non pot hom leu faidir,
c’a vos o auzi dir.
Per que·m mis en la via
e fi·n selui issir
que a tort la tenia;
don sapchan miei amic,
tug, li paubr’e li ric,
qu’ieu guerrai so que dic,
pus sus son don issic.
Qui m’apela traitor
el men per mieg lo mor,
mas car al mieu senhor
podion ren lai dir,
ieu non o volc sufrir,
ni voill que tracher sia;
e saup lo miellz guerrir
qu’el eis no se·n guerria
qu’enaisi se·n issic
c’anc colbe no·i feric;
et ieu fi so que dic:
que·l pris e no·l retic.
Si be·s fan gabador
li fillat e·ill oisor,
Monlaurs fai sobre lor
sos honratz fatz auzir;
e cant l’auzon venir
no·l serron ges la via,
ans lor a fag gequir
l’orguoill e·l gualhardia:
e parec en Nou Vic
on preiron tal destric
que, can l’estors partic,
lairemas pres e·n gic.
Ges no m’en don paor
per lor dig de folor,
si tot catre comtor
mi menasson d’aussir,
car en els pot venir
ans qu’en me la murria;
et ieu, podes lur dir,
prec Dieu a cascun dia
que gotela me fic
el lag mal don muric
us comtors qu’ieu ausic
c’anc preveire non vic.
File history
Click on a date/time to view the file as it appeared at that time.
Date/Time | Thumbnail | Dimensions | User | Comment | |
---|---|---|---|---|---|
current | 09:05, 1 June 2014 | ![]() | 4,115 × 5,579 (3.01 MB) | Ancalagon (talk | contribs) | == {{int:filedesc}} == {{Information |Description={{fr|Folio 23v du chansonnier provençal (Chansonnier La Vallière)}} |Source={{ARK-BNF|ark:/12148/btv1b60004306}} |Date={{Other date|century|14}} |Author={{author|unknown}} |Permission= |other_versions... |
You cannot overwrite this file.
File usage on Commons
There are no pages that use this file.
File usage on other wikis
The following other wikis use this file:
- Usage on ca.wikipedia.org
- Usage on fr.wikisource.org
- Usage on www.wikidata.org