File:Archief Bank Brugge, Civiele Sententiën, Vierschaar, Nr. 104 van 02.04.1470, pg. 56.jpg

Nederlands: "Willem De Kersmakere et Jan Colve de Jonghe se portent cautions des marchands de

Portugal (João Álvares ‘de Comines’, João de Aragão, Álvaro Dinis, Lopo Mendes, António Fernandes, Henrique Mendes et João Álvares) dans l’arrêt fait par João Vaz. Ces marchands certifient que leurs cautions ne subiront pas de dommages;

Willem De Kersmakere en Jan Colve de Jonghe, poorters, bleven boorghen ende elk voor al over den cooplieden van Portugale, als vanden arreeste ghedaen bij Jan Vas, ooc portugalois,inden handen van Jacop dHeere tooter somme van .ijc. £ gr, omme bij alzo dat yet jeghen den voors. Portugaloisen ghewijst worde daer of in te stane, tooners voors.. somme ende der ondere metgaders de wettelijke costen. Actum ut supra (den andren dach van april anno lxix voor Paesschen).

De cooplieden van Portugale beloofden de voors. boorghen quite, costeloos ende scadeloos te houdene vanden voors. boorchtucht die zij over hemlieden ghedaen hadden, alzo wel vanden principalen arreeste van .ijc. £ gr. als vanden wetteliken costen ende diesser ancleven mach. Actum ut supra.

Voort de voors. cooplieden consenteirden coonsenteirden dat die voors. Willem De Kersmakere ende Jan Colve, haerlider boorghen, behouden zullen in haerlieder handen tpayement van Sinxene vanden fruite dat zij jeghen hemlieden ghecocht hadden, tooter tijd dat vanden voors. arreeste vander boorchtucht daer up gedaen quite wesen zullen. Actum ut supra."